البارحة رحت أنا للسوق
معي محمد علي العمري
أنا مرسّم وهو مطفوق
بشويش أنا أمشي وهو يجري
عنده شنب مثل بدر صفوق
وأحيان أناديه يالمصري
لكنّه انسان عنده ذوق
وأقدّره ويعرف قدري
جيت اشتري عطر قال: نبوق؟
قلتله لاتسرقه بأشري
لو مايشوفوننا الله فوق
لو مادروا هم هو يدري
رحنا وطلعنا وقال آسوق؟
عيّيت خايف على عمري
مجنون سرعة تقل ملحوق
والكامري سرعته تغري
أخاف ماعاد أشوف شروق
وأموت ويموت من بدري