انا الذي فعشقي متفرد
مكتوب تصرف فيا وتو دا
القسم الاول
ديما للمليح نتودد
بالود نرجا من امري رشدا
الوجد فمثلي يتجدد
نشتهر حالي بين لورى وبدا
ضنيت غيومي تتبدد
بوجود من نهوى تنحل العقدا
وجميع جراحي تضمد
قصدي ننال روعي يهدا
القسم الثاني
اسيادي دابل لعيان
لو يرفق ويتذكرني
يعادي معاي النسيان
وعمرو ما يهجرني
منين ينظرني بعيان
من غير كاس يخمرني
ايلا نراه الشوق يتجدد
وايلا كلمتو تشدو رعدا
لا زال فالعشق متردد
ولا زلت مايلي عنو بدا
القسم الثالث
محبوب خاطري خوفان
من الرقبان لي تلوني
كيف ندير فغصين البان
مالكي قرة عيوني
زين طاغي ما يليان
وايلا يوفي مظنوني
نطيح فالتراب نتمرغد
حتى يقولو صريع خصو ندا
اناشد الطير لمغرد
عل نظفر بيه نهنا ونتهدا
القسم الرابع
لله يا الساكن لكنان
رفق من ساكني وكناني
كل ما تنظرك لعيان
تكدي ناري مكواني
جمال هذا ولا سلطان
تحير توصفو لمعاني
حال قاصني من خد مورد
رماد تحتو لهلوجا تكدا
وشفر سهم مهند
ومحاسن تحت تيابو تبدا
القسم الخامس
الزين من زينو زان
وانا الزين هد بداني
سكن صيار الوجدان
حتى قهرني وفناني
سكن دواخل لبدان
من هواي عشقو رقباني
فمحراب لغرام نتهجد
لقد واللحظ ومحاسن عدا
بها رياحي تتمرد
ولعيشة بلا بيه عيشة نكدا
القسم السادس
امحبوبي سير وكان
دابا تكويك ليعتي وتجيني
الله يرحم لي قال زمان
علاش نبغي لي ما يبغيني
ما جيتشي نطلب منك احسان
لغاني بفضلو يغنيني
دابا تعود مثلي متنكد
تقول مصاب مايكون فالناس عدا
وايلا غيوم سمانا تتبدد
الساقي بيناتنا يروج وبينا يبدا
انت على لخريب متوسد
وانا بين يديك نتوسد لبدا
خديم الجمال متابد
والجاحد يموت بكمد وغدة
خود اراوي وتلدد
صول قدام من جار عليا وتعدا
بتار يجرح ويضمد
مسلول للنزال مايلو غمدا
معمول يهجي ويمجد
وكدا يفخر ومسايل عدا
الجاحد بنصلو يتقدد
فجار حاقدين وكذلك حسدا
وسليط غير ما يتوعد
مافيه غير لسان ولا يلو جسدا
الدم في حشاه مكبد
من حقدو عضم كساتو جلدا
السلام نهيب مفند
بالطيب لطه شافع امة لهدى
ولا سم للذي نوى يتاكد
فيلالي من غريس وففاس لولدا
غرضي للفنون نجود
لست بنظامي نرجا جدا
والسلام للنبي يتجدد
عداد لايحصى ولايلو عدا