يالله بجاهك من عناء الوقت لا اميل
خلني ف مزاحم الضيق ؟ .. هادي
ما امد هقواتي .. على بارد الحيل
ولا استمع ل النفس ساعة مرادي
ومن غلطة الاصحاب ما يطفح الكيل
اسوقها الغلطة على جال .. غادي
واذا العداوه جاتني .. من مهابيل!
ماني قليلٍ .. في نهار المعادي
اعف ؟ .. وصدوف الليالي مقابيل
تعلمه قدري! .. وحسن انفرادي
واقصر خطى رجلي عن ادنات تطبيل
لأني عزيز النفس .. ماني اعتيادي!
واثق ؟ .. وامثّل باللقى خير تمثيل
تمثيلة " الظلمى " على كل وادي
واللي بكى من ظلمة الليل بالحيل
يركض على ضوّي .. بليّا منادي
في ساعة الشدّه؟ .. عيوف التهاويل
وأرقى على ضلع الحزن! .. بالتمادي
مدري انا ساطي على مواجه الليل
ولا الضعافه عندكم .. شي عادي ؟