يامن نظمتي ماتكن الاحاسيس
ماتدري ان الكسر بالبيت آفه
لكن كتبتي شي ماجابه ابليس
اللي ملك بالقاف كل الحرافه
محبوبتي لو نحسب الوقت ونقيس
ماكان خضنا بالقلوب المسافه
ماشوّه النسناس قل النسانيس
وما فرّح العالم كثير اللقافه
البُعد لاهل الحب مثل الجواسيس
يكشف لك الخافي بكثر اقترافه
كل مابعدنا زاد هم القراطيس
والحرف يفضح مانكنّه بقافه
مجنونتي يا ام العيون النواعيس
ياللي معاك العمر زاد اختلافه
كسرتي ابيوتك بأحلى الاحاسيس
وجبرتي قلبي لين جاك اعترافه