يا وقتي يا مطول ليلك
مع طولك ماتقضي شف
ساري بك يا مفتر حيلي
لو بك هم وسقم وحف
وبالدنيا ماشاف الراحه
من مثلي يا ناشد شف
يحمل فوق المتن اهمومه
ويمر الشكوى ويعف
والشاقي له همه باقي
ما يترك صدره ويخف
مال الفرحه عنده طاري
لو غنو مع ضرب الدف
يا حالي لو جيتك خالي
من همي ماجفني رف
جيتك ساتر عنك اهمومي
والمنهل بعيوني جف
لو ضيقي يطبق بظلوعي
ما ابديته لو حزني لف
صابر والدنيا وش فيها
ينفعني من صفق الكف
لو هي للفرقه عنتني
بين اشعل للنور وطف
يقضي لي بالعازه لازم
ذروه تمشي فوق الخف