على حافة غموض وطاح نصفك يالوضوح وقلت
ابترك بعضي يسولف واباخذ بعضي الثاني
يجوز اني ليا من رحت أحفظ حلمي اللي نلت
واخلي حسرتي تبقى وتسكن قلب عدواني
ابكتب في جبين الشمس إني قلت ثمٍ طلت
وعلامة نصر واسمي فوقها من دم شرياني
على كل الجروح اللي بصدري من سنين اسدلت
ستاره من بياض الوجه تمسح عني احزاني
وتحجب عن خفافيش الظلام انواري اللي شلت
بيمنىٍ صافحت نبض القلوب بطعنة اخواني
جلوسي بينهم رفعة جناح الشامخ ليا ملت
شعورٍ ما شعر به شاعرٍ يكفر بإيماني
اشوفك يا ظلالي عن ضلال افكارهم قد طلت
وانا افرق نظرة المجني عليه ونظرة الجاني
تركتك يالغموض وقلت تدري فالخفا وش قلت؟
ابترك بعضك يسولف وابلعن بعضك الثاني