كل شئ في الغربة بيطول ليالينا علينا
كل شئ في الغربة قاسي
كل شئ في الغربة جارح
كل شئ مالوش ملامح
كل شئ رافض وجودنا
مهما أخلصنا وجودنا
كل شئ همه يعاندنا
الطرق رافضه الخطاوي
والنهار صارخ وجارح
والهموم صارت غناوي
كل شئ في الغربه بيطول ليالينا علينا
واما تقسي الغربه أكتر
حبنا لوطنا يكبر
مهما كان قاسي علينا...
كان وطننا
مهما كان صعب عليه تحقيق امالنا...
كان حاضننا
واما كات الدنيا تقسي
نرمي جوه النيل همومنا
نمشي جوه الزحمه ننسي
وسط ناس ليهم ملامحنا وهمومنا
شكوتك من غير كلام بيفهموها
دمعتك من غير ماتنزل يمسحوها
والهموم مهما بتكبر...
ضحكه وفي نكته يقولوها