قالت افرد للقا صدرك و رد العاصفة
لاجل اجي من مشرق اللهفة واقل لك خبّني
من سؤالٍ صدّع اسمي في جدار العاطفة
كل ما قلت السؤال ! وقلت : ليش تحبني ؟
كل ما قلت الحديث اللي يمر مناصفة
انطفي في مسرح احلامه ندم وتشبني
مرّني غيمة على سقف ابنيتنا خاطفة
ودي ازهم لك على شرفة ضياع ولبّني
الشوارع ماهي بحاجة شجر ومراصفة
لا تلاشت خطوةٍ منها عليك تصبني
مرني مثل الهبوب اللي تمر ملاطفة
نسمةٍ من ظل في لفح الهجير تهبني
انا اخاف-اني اخاف من الشموس الكاسفة
وما الاقي توبةٍ بعد الغياب تجبّني
اعترف لي قبل اردد لك حبيبي " آسفة "
وانت تدري ليه احب الناس، ليه تحبني
من جرحني ما سلك درب الظروف مجازفة
ومن مدحني ما ذكر حرفٍ قبيح وسبني