يازاهي الكحلِ عينك هي تبي حتفي
صدَّت وأنا لي مِكانِ بحجرها الدافي
ياجارح القلبِ ظُلمٍ مِنك لو تِقفي
حقَّي عليك الوفا تِسعى بالإنصافِ
همس الشفايف تِبسَّم بسمِتك تِكفي
لي صار وصلك صعيبٍ فالرِضا كافي
يا أبو جديلٍ على غضَّ النحر يضفي
والموج زاد بسواده لونك الصافي
ياعلِّ وقت الكدر ياصاحبي يصفي
وبعد الجفا الَّلي جرحني وصلك الشافي
يازاهي الكحل حُبَّك فايقٍ وصفي
ولولا الرِجا مِنك بحت بسرَّي الخافي