عزات ياراس عالي بايخفضونك
والنور لي هو يلالي من فوقك اليوم غاب
الحب فيه المذلة
والعفو عين الصواب
تمشي لمه عابهامك فتح عيونك
لاتحسبه ماء امامك قدامك الا سراب
الحب فيه المزلة
والعفو عين الصواب
ياحصن مولى البناقل محلى ركونك
خيفان بعد الزوامل ينعق عليك الغراب
الحب فيه المزلة
والعفو عين الصواب
لي خربوا دار بصعر بايخربونك
خذ عشر خذ خمس تعشر لابد لك من خراب
الحب فيه المزلة
والعفو عين الصواب
محد من الناس راضي والله بهونك
ولا حكم قط قاضي ذلا فتن او سباب
الحب فيه المزلة
والعفو عين الصواب
وتخبر الناس مره بايخبرونك
ان البلى والمضره جاء من ورا الحجاب
الحب فيه المزلة
والعفو عين الصواب