الهدايا فيه أجمل مِن حُلِّي
شهر كامل لك من الباري سعاية
فيه ليله أجرها كنز الولي
تجعلك في خير دايم زِد وقاية
رحمته في العشر الأولى لك ولي
وانت عارف زلتك أكبر جناية
غفلتك يا صاح لازم تنجلي
عُود لِه وإقراء قوانين الهداية
دام قلبك مِن هُدى الله قد خِلي
فِز واشحن مِن سراج الحق أيه
بعدها غفران ربك ينزلي
لان ذِكر الله ترى أعذب سقاية
قُول يا رحمن عبدك متبلي
وانت مَن قلبي وجد عنده رعاية
اغتنم أيام تِجري واعتلي
واطرد التسويف مِن قلبك كفاية
الهوى لو كان عازم يدخلي
ذكر ربك للفؤاد أقوى حماية
انفق الأموال بيتك يمتلي
واسعد المحروم ذي ما له عناية
شد عزمك في الأواخر وارحلي
نحو ربك دام قلبك له دراية
اتبع الهادي ولِّد عمِه علي
وأهل بيته كلهم وانسي الغَوَاية
واختم الشهر الذي كنزه غِلِي
لان عتقك مِن جحيم النار غاية