فوح العبير استنشقه حب واخلاص
ومروره بصدري يشكّل مدينه
وإليا زفرته خاص ولقلبه الخاص
يعرف وش اللي صار داخل ضنينه
محبوبي اللي جا لدنياي قناص
وامسى بصيده ياهي والله ثمينه
أتأمله.. كني معه داخل اقفاص
واتوه مع خصله تداعب جبينه
واتقسّم لروحه من ارباع لانصاص
اتناثر.. وروحي تناظر يمينه
ياهو لضيق القلب ياناس قصّاص
وياني على مافيه اعشق سنينه
كنّي عطيت العين من عينه قلاص
حتى سكر قلبي بنظرة حنينه