حمر الجمر يا حلو من خدك
وسود الليالي ي الغلا ف العين
لا تغلا ومدها وصلٍ بيدك
انت ورد وباقي البشر من طين
وش يمنعك يا سيد الحسن ردك
سعيت لك ومنك السعي وين؟
يومك تبا لك روحي في يدك
ويومي بغيتك قلت لي بعدين
ليتك تروف بحال من بدك
على روحه ولا حسب لك دين
انته هوا روحي ومن قدك
تلعب على قلبي وتقسمه نصين
كم عجز ها لقلب عن صدك
وقلبك قاسي كالحجر ما يلين
كم عطيت وللاسف ما سدك
يا شيب راسي ويا حظي الشين
ابنتظر عسى توفي في عهدك
عهد الوفى لا تهمله يا زين