في خبة القرو بيتٍ يزمي علوّه
تقول ضلع سراب الصبح يزميبه
كن مقدمه للضيوف يصيح وينوّه
مثومن تمرح البل بين أطانيبه
بيت دلاله مناحيرٍ على ضوّه
يذعر بها زعفران الهند أبو شيبه
فوقه شذا العود الأزرق كنه النوّه
من جاه منه الهوا يفتح لها جيبه
وصياني من فقار الكوم مملوّه
يفرح بها الضيف لا خاطا معازيبه
وإن قالوا الناس راعي البيت من هوّه
عبدالعزيز الكبير العز والهيبة
عبد العزيز بن تركي طيب الخوّه
الطيب اللي تطيب الناس من طيبه
من عانده بالمراجل ما وقف توّه
والله إن يناحيه حتى ينفري جيبه
مكارمه تغري الشعّار بالقوّة
كلٍ على شآنها خلاّ معازيبه