أكتب الحرف الأول وأترك اللي معه
من ملامحك أبقرأ هاجس المفردات
وانصب الحرف بالفتحه وأخوه أرفعه
والضمير أستره بردون ضاف العباة
وأقرب الناس لو هو بيننا ما أسمعه
وكل حيٍ أشوفه أحسبه منك مات
أكمل الزين كله في بعضك أجمعه
أنت روح الجواهر والعذارى حصاة
هاجسي فيك أحاول أنتبه وأقطعه
فيك ما ودي أني عشت بالذكريات
كلما شفت طيفك مقبلٍ أمنعه
كنك منقلٍ لي روح طيفك وصاة
اترجى سهيل الحب في مطلعه
يطلع.. اركاب روحي للندى ظاميات