بيني و بينك عرفت الموت
تحب و الحظ متجني
تبي الصدق حبها منحوت
و أصبحت منها و هي مني
أفرشلها القلب بالياقوت
و أقول يا دلي إتمنّي
صدري قصور و مدن و بيوت
و هي المليك اللي يحكمني
يا ويل ويلي عليها صوت
تحكي تقل كنها تغني
و سكوتها غير كل سكوت
كل شي فيها يكلمني
قد شفت شمس زرعوها توت
بشفاتها التوت متثني
يا حلوها و القلم مبهوت
وش يكتب بوصفها عني
هي دنيتي و الهوى و القوت
و إن غبت عن وجهها كني
متغرب و غربتي تابوت
ميت و أنا حي مستني
قولو لها لو يفوت الفوت
هو ينفع الصوت متعني
و قولو لها و الله إلا موت
لو خاب في حبها ظني