في حظورك ضاع ترتيب الكلام
وفي غيابك مالقيت الا العنا
انت ي سيد المحبه والغرام
جعل عينك ماتشوف الا الهنا
صدك وهجرك عن عيوني حرام
والله إنّا ياغرامي في غنا
والله ان دربي ظلام في ظلام
كيف ابمشي دام ماحولي سنا!
كل آمالي عقب عينك حطام
لمسة ايدينك طموحي والمنا
يوم أشابكها وخلق الله نيام
ايه اضيع وأجهل اسمي من انا؟
ولا بدا لي ماخفى خلف اللثام
اشعر ان قلبي على الطيحه دنا
ياموردني على حوض الهيام
اشهد ان حبك بقلبي مافنا
وفي النهايه ي حبيبي والختام
ادعي الله... مايفرق شملنا