والله ما ارفع واحدٍ فوق قدره
ويا صانعين الكذب ماني مجامل
حتى لو أن المنتفخ زاد كدره
وصار بطنه مثل بعض الحوامل
لكن يرقد تحت طلحه وسدره
وعن طريق المجد يربط فرامل
ما قد خفاني عن كذابه وهدره
أميّز اللى ساعة الجدّ صامل
كم واحدٍ وقت الرخا دقّ صدره
ويساق عند الجدّ سوق الزوامل
يامن يقلّي جامل اللاش وادره
ويريد ينصحني بفّن التعامل
مالي على تمجيد الأنذال قُدره
ولا مدح هافي بارد الوجه خامل