قالوا تغير طبعك اللي له أعوام
قلت السبب يوم اكتشفت الحقايق
أثري على ما قيل عايش في أوهام
يا كم كليت من الصداقة علايق
الصدق ما يصلح مع بعض الأقوام
أهل الكذب مزورين الوثايق
بالناس من يغلي منافق ونمام
واللي يحبون الهروج اللفايق
كإنك صريح بيتهمونك بالإجرام
ويقال عنك أكبر مخادع وبايق
لكن دوس أهل النذالة بالأقدام
واكشف سواد وجيههم وأنت رايق
واصبر على صكات بقعا والأيام
ومن مكثرين الحكي أبد لا تضايق