عزتي لك هذا حظك ما تغير

عزّتي لك، هذا حظّك ما تغيَّر

دوم تهوى لكن الفرقا مصيرك

شيء يحيِّر للي ما عمره تحيَّر

قلبك أبيض والهوى يضحك لغيرك!

كم حبيبٍ قلت له طبّ وتخيَّر

جاك ظامي وارتوى من نبع خيرك

ثمّ يقفي ما كأنه يوم سيَّر

عادتك تلثم جروحك في مسيرك

كم عذولٍ ذمّ في طيبك وعيَّر

ومن كلام الناس قل لي وش يجيرك!

مير تبدأ من جديد وما تطيَّر

ما يهزّك ريح لحظة في مطيرك

الله العالِم بفضلك وإن تجيَّر

أنت صافي الماس وأوفى من عشيرك

القدر مكتوب وابن آدم مسيَّر

قام حظّك وإلا وقّع ما يضيرك