فاكرك حبيبتي
فاكرك حبيبتي ولاعمري نسيتك
فاكر برائتك فاكر ابتسامتك
فاكر كمان هجرك
ولاعمري لغير قلبي شكيتك
فاكر كمان ساعة ماكنا بنلتقي
وكأننا بنتولد تاني من جديد
فاكر كمان الشوق ونار الشوق
إللي كان ممكن يدوب فيها الحديد
فاكر اللقمة البسيطة في بقنا
كانت تحلي عمرنا ، كان طعمها كله أمان
كُنَّا بناكلها بالسعادة والحنان
فاكرك حبيبتي وفاكر كل لحظة عشتها ياعمري معاكَ
فاكرك حبيبتي وفاكر كل كلمة حكيتها ياقلبي في هواكِ
فاكر كمان الشعر لما كنت بسهر أألفه
وأفضل أحَسِّن فيه ساعة ما أكتبه
عشان أقوله ليكِ ياعمري وملاكي
فاكرك حبيبتي فاكر غرورك
لما كنتي تسمعي شعري الجميل
فاكر كمان غيرتك فاكر كمان وعدك
إن في يوم قلبك حينسى حبنا شيء مستحيل
كل ده فكره وعمري مانسيته
فاكر كمان جرحك إللي بدموعي رويته
لكن قوليلي ...
ليه هجرتي الحب بعد ماجه وقت السفر؟
ليه خلتيني غريب بقلبي إللي انكسر؟
قلبي إللي قال غُرْبتي لحبك تهون
وإنت قلبك باع لما جه أول زبون
خلتيني عمري ما أفكر في يوم أرجع للوطن
ما الوطن قلبك وفيه خلاص غيري سكن
واتحولت رحلة حياتي من أحلى حب لأقوى نار
وعرفت إن العمر من غير الحبيب كله مرار
عشت عمري بعد هجرك
زي صحرا ما داقت في يوم طعم المطر
عشت ألف في البلاد إنسان شبيه أقوى بالبشر
بس هما حبهم :
" يوم عواصف يوم ربيع أو حتى يوم تلج ومطر"
وأنا قلبي من حسرته على حبنا
حوله غدرك حجر
هُوَّا دا الفرق إللي كان بيني وبينهم كلهم
كان حبهم حب عادي أو طبيعي
حب تحسي فيه بالأمان مش بالخطر
لكن طعنتك ليا في قلبي خلت الأشواق تموت
حولت ناري لجليد والأمل فيَّ انتحر