ياطير طبعك من أطبوع القرانيس
هدك مع وحوش الطبايع رهاوي
أسمك كذا يصلح بعيد المراميس
وأن ماصلح يصلح بعيد الهقاوي
يحق لك تفخر ب، فعل النواميس
فعلك شرف وتفوح ياعود جاوي
اهلك ذخر الطيب ركابة العيس
هاك الزمان اللي به الذيب عاوي
ياطير تبقى فوق كف السناعيس
وأرقى وحول مثل نجم سماوي
ياليت حظك ماتجيه العواكيس
وتبقى كذا ياطير دايم هواوي
فج الخلى خل الهموم المحابيس
اطلق رسنها وانفض الريش غاوي
اياك ووجيه الرخوم المفاليس
أمخيب الريجيل مابه رجاوي
اللاش هو والنذل والثالث ابليس
رفقة ردا تموت منها متساوي
باب المراجل للعيال المقابيس
اهل الحميا كل منهم نداوي
عليك ب، اللي يقطعون الخراميس
مثل الذياب اللي تهيب الشواوي
تهب ياطير الخضارا النسانيس
وتزين في وقت البراد الغناوي
سلوتك تبعد عنك كل الهواجيس
وارجع على حالك ليا كنت هاوي