كانوا لها من غير حلف وكنت أنا والله العظيم
منّي خذت صدق الغرام اللي يرجّعها شباب
والله وصرنا عن بعض أغراب يالحبّ القديم
كل يوم أدفن طيفك الثّائر علي تحت التّراب
يطغىٰ حنيني لك إذا ما خيّم الليل العتيم
وأذكر تفاصيل القصص اللي نهايتها سراب
طبطب علىٰ قلبي ترىٰ جرحه طري يعني أليم
أو خلّني في وحدتي بس لا تزد جرحي عذاب
حرمان عانيته وبعده جا حرج مادي وضيم
أعتب علىٰ دهري ولا هزّه ملامي والعتاب
ليلي تغيّر صاير(ن) راعي محل سدفه مقيم
من يوم محبوبي خذل أقمار حبنا بالغياب
ظرفي صعب دمعي نزل ناطر أنا شمس(ن) وديم
عندي أمل تضحك بوجهي دنيتي وأنسىٰ المصاب
لٰكن متىٰ ينزل مطر وتشع قناديل السّديم
حنّيت لأيّام الضّيا والحب وهتّان السّحاب