احرك بروحي حرك وانته ابتسم
لا يهمك من أصيح وانصدم
انته مو اول جرح واستغرب آني
آني صاير كلي جرح وينلجم
شكك كليبي بغرورك
وخل تفيض انهار دم
واسحن بروحي الحزينة
وزيد هم وبعد هم
ابد لا ينكسر كلبك
آني ما ريدن رحم
آني متوطن عليهه
وعابر حدود الندم
آني بركان وحياتي
هموم واحزان وسكم
آني غربه ودنيه ظلمه
ودرب بيه تعثر جدم
آني كل واحد حزين
وراحت أيامه عدم
آني لو شيلن اثيابي
ما تشوف أصلا جسم