وش هو يعني لو تشاركنا النَفَس
وشالذي يمنعنا نلهثها سوى
أشهق وتِزفر هوانا المُحتبس
لين تتراقص عروقي في الهوى
خذني لحظة شوق في ثوب العرس
أو غصن توه نما توا ارتوى
يكبر وكلما كبر فيني أنغرس
يجرح بجوفي وهو نفسه الدوى
خذني انسانه بغيرك ماتحس
خذ قليبن لا طريته أنكوى
من عيونك في نواياه ألتبس
ضايع بحسبة رموشك والنوى
خذ شتات الروح في هذه النفس
خذ كلام الحب فوق المستوى
خذني نجمه ترتقب تلقى الشمس
أوقمر في ليلتك يضوي ضوى
أو مشاعر من جفونك تحترس
خوفها من غمضة الجفن استوى
خذني كلمه بالخجل تهمس همس
أو شعر حطم حدود المحتوى