مِن يوم يومي والهوى مِعجبني
و دور البُطولة ماخِذن أفكاري
ودي أللاقي شي بِه يَجذبني
و هَلت بِعيني دَمعةٍ والطاري
بَس المَخافه .. إنه إبيتعبني
و تِتشوه إبعينِ العِدا أخباري
ماشي بِالدِنيا .. أبد يَجبرني
أكسر حَياتي وأتعدى أسواري
هَذا إختياري .. وهَقوتي يِسعدني
درب الهوى وصى وقال إختاري
وأنا وعدته والوفا يمسكني
اشِد عَزمي واتحدى أقداري
بخوض هَالدنيا وذَا يَشعرني
إني قويه والحروف أمطاري
أصلب همومي قبل ما تصلبني
و أعصف بغيمي والحلا مِدراري
يِمكن يِحاول بَعضهم يَكسرني
و لا يِغير مِن مَسار أنهاري
ما همني أي شي قَد يَزعجني
روحي عَصيه والرِضا إجباري