يانهر ياعذب يجري بي فراتك
لين أعشب بالحشا غصنٍ هزيل
حي روحك حي زولك والتفاتك
من مصبك لي مسارك هالنحيل
يانهر ودي يسامرني سكاتك
جيت لك من جحفل هْمومي دخيل
الهوى ذعذع على ضفة فراتك
ياجمال معانقك شمس الأصيل
والنوارس تشتهي لمسة شفاتك
لو أخذها البحر للفجر الجميل
جا شتاتي يانهر يرفد شتاتك
شوف انا مثلك بعد عابر سبيل
حول زل الشط يرعبني سباتك
والرياح اللي تدندن للرحيل
يانديمي وشكثر مرة حلاتك
كم بلع أحباب ماك السلسبيل
لو تسولف لي عن اول ذكرياتك
من زمن سافرت لبلاد النخيل
كم حكايا عشتها كم وجه فإنك
يانهر ياصاحب العمر الطويل