شفني عمر وآقف على باب بيتك
وانهد بيتك صرت وآقف على اطلال
للحين صوتي منخنق ما بكيتك
للحين ادوّر حفنة الضي ب ظلال
للحين اصفّ العاب لا من طريتك
واتخيّلك ضحكة طفل قلب رجّال
للحين اصوّت ناشف الريق ليتك
تسمع صدى صوتٍ تكسّر على الجال
للحين حافظ كلمتك : لو نسيتك ؟
و اذكر شعوري غصّةٍ تشرح الحال
تعال ذابحني الضما مارويتك
تعال اشمّك عوّد الجرح ينهال
تعال علّقت النجم مالقيتك
و ناديت باسمك صرخةٍ تهدم جبال
تعال مثل اوّل إلى من دعيتك
تزعج بي الدنيا أغاني و موّال
تعال زلْزلني غيابك و بيتك
الشوف ذاهل لكن الدمع همّال
ضاق الفضا ضاع العمر و احتريتك
و بآموت لك واقف على بابك اطلال