من خميس مشيط وصل لي سلامي والتحيه
يارسولي للشمال اوصيك وصل لي سلامي
وانت ماتحتاج مني في مراسيلي وصيه
دوم اعرفك يارسول الخير ماتنسى كلامي
وافيٍ لي باليالي الماضيات الاوليه
والوفا طبعك وتاخذ بالوفا مني تمامي
قل ترى سلطان نفسه ياغواليها هنيه
يحمد الله مامشت رجله مع ادروب الملامي
دامكم في خير نفسه عن دواخلها رضيه
لو يشوف ان الشهر بغايبكم تسعين عامي
ماشغلني كود فرقا صاحب الكف النديه
من رفع ربي مقامه في عليات المقامي
فاضت ادموع المحاجر لاطرى ذكره عليه
من يلوم الي جفا في غيبته حلو المنامي
ذاك ابوي الي مشينا بالهواجر تحت فيه
لاسمعنا بالسموم ولاعرفنا بالمضامي
من جمعنا واجتمعنا كلبونا حول ضيه
نحتمي به وان بغانا كل ابونا له حوامي
من يعرفه يقسم انه ماتجيب البيض زيه
من طلب شوره نصيح ومن زبن له مايضامي
والوعد لن كان ربي قاسمٍ للرجل جيه
حروة العيد انتقابل من بعد شهر الصيامي