الشعر ب إحساس شاعر حر والمعنى يتله
لا كفخ بالقاف يسمو والجزالة به تطير
والغلا والشوق دربٍ كل من يعشق يدله
والنظر لا خان عادي حس ب إحساس البصير
وافهق ضلوع المشاعر شوف قلبي من وصله
واكتشف بعيون قلبك وش يصير وما يصير
المطر وان كان ما جادت غيومك أن تهله
لا تعاتب للجفى هو ليه ما يعطي نذير
الشعور إن كان ضامي غير وصلك ما يبله
كاليتيم إن ضاق والخاطر حزين وبه كسير
والغياب إنسان يشكي كل من حوله يمله
ما بقى له أي واحد لا صديق ولا عشير
الوفا أرواح ماتت كل واحد في محله
وكان يا مضنون جاتك هالقوافي حط شير
الشعر ب إحساس شاعر حر والمعنى يتله
لا كفخ بالقاف يسمو والجزالة به تطير