الهنوف اللي غلاها ما تخف جراحه
تهدي جروح الغلا بعيونها السحريّة
تستلذ الطعن في قلبي وهي مرتاحه
آآه منها لا طعنتني واتبعتْها كيّه
من غلاها كن قلبي قاضبٍ مفتاحه
لجل تبقى في عيوني حامية محميّه
ومن حلاها وش تكون الوردة الفوّاحة
وهي جسدها من رغدها ممتلي حنيّه
عطرها منها وفيها ينسكب بالراحه
من ثغرها اليا نحرها ويتمادى غيّه
كل ما احتشمت ملابسها تجي فضاحه
وكل ما.. والا بلاش لكل ما.. سريّه!
عيبها الأكثر براءة... دائماً لمّاحه
وذنبها الأكثر طهارة... قوّة الشخصيّه
علقتني وتركتني في رجا.. تفاحه!
كيف اهز الغصن ويديني ماهيب يديّه!!!