توحشّت فكرة وعي بموطن الغي
و السمع شح وبح صوت المنادي
والليل طاح ورشد جُلّ الغوى عي
والعين تسري بالسهر كل وادي
ياليت مال الميت حق ٍ نعى حي
كان الزمن ما طال وزر المبادي
اواه من مخطر نسى ينجض الكي
و اواه من ضيم ٍ غدا شي عادي
بادي صباح الظلم من منحر الضي
والضي حظ الصبح والظلم بادي
وان كانت العزه ثمن ذلها هي
تبت قبل قضب الحلوق الايادي
قنبْت مشمل رجم ذيب ٍ على طي
خوف ٍ تطب الفُرس ريع البوادي
جيتك ولا شي ٍ نشأ ما وشا شي
للحق حق يِحقْ مقدي ل غادي