لا تستفز ولا تصدق وشايه
ولا تثير أعصاب بالشك وضنون
أنا أعتذر لك وأنت تبي النهاية
وشفيك خليت العدا بي يشكون
قبلت راسك لجل تدمح خطاية
أنا بشر واخطيت والناس يخطون
إن كان عذري ما قبلته لغاية
الغاية الي لجلها صابك اجنون
راحت عليك وما بقالك حكاية
ما ضل لك حجه ولاشي مضمون
بينت وأنا عارف من البداية
لكن أبي غيري من الناس يدرون
ما بيك من بعدي تسوي دعاية
ولا تصدق لك وكالة يقولون
الناس تعرفني وتعرف وفاية
وكرامتي عندي بشرواك مليون