تو جت فزعتك ياسمح المحيا
وانت ابو مصلح اليا بار الهداني
للعلوم الطيبه طبعك مهيا
مايجي بعد الحصان الا حصاني
انت من قوم الشهامه والحميا
من هل الفزعه طويلين اليماني
والقضيه عنك مافيها كميا
يوم جينا بالعمل مثل الاخواني
نتبع العيشه وجابتنا هنيا
من جنوب وغرب حربي واقحطاني
رحت ابا تمديد والشلهوب عيا
بالنظام اللي حدا غيري حداني
ورفعوا لي رقم لاكن ماتهيا
احجزوه وبدلوه برقم ثاني
مير ابا احاول كذا ولا كذيا
مدري لو حله الله في ثواني
وان عجزت النفس طايبةٍ بليا
بس انا وضع السكن نكبة زماني
والاجار اليوم وصل اليا الثريا
وارتفع سعر الاراضي والمباني
النظيم اصعب علي من العليا
والتقاعد كان ماممدت جاني