حبيبة الروح.. واحلى الناس ف عيوني
غصن الهنا من بعد ما روّحتْ ذاوي
كانت معي.. طفلةٍ تستلهم جنوني
أطير معها...ويطيح القلب متساوي!!
في قربها اشعر بشيٍ يكسر سكوني
بالذات معها.. أكون الشاعر.. الغاوي!!
حبي لها اكثر يقينٍ خالط ظنوني
حكايةٍ مالها كاتب ولا راوي
راحت.. وخلتني اتغرّب على هوني
متشتتٍ ما لقيت ل جرحي مداوي
يا ليتهم قربها... راحوا!! وخلوني
ولا طواني من اسباب النوى طاوي
لكنها خلت الدمعات ل عيوني
وما اصعب من الحب لا من صار مأساوي!!