يافلان يا ابن فلان.. يافلان.. يافلآن
يآآآمن يجاوب يوم الافكار شاحت
حتى القصيد اخاف ماتشيله اوزان
لو حس بهمومٍ عليّ استراحت
لله يا الأفراح كافيني احزان
حضوضي القشرا عليّه تناحت
حزين متضايق وضايع وسهران
وريح الالم من بين الافكار فاحت
ان شفتني فرحان لاتقول فرحان
اطيورنا في كل الاحوال ناحت
وان شفتني يافلان بالدمع طربان
يمكن عشان العين حسّت وساحت
والا الذي يكشف خوافيه لانسان
عليه خيبات السنين استضاحت
ما عاد فيه احيان وأحيان وأحيان
الحال عمدانه مع الحظ طاحت