بالهون ياظامر ملامي وشرهتي
النفس عن تجريح الاصحاب شايمة
ريضي ترا للناس خافي سدود
ولي هقوةٍ من دونها المزن هايمة
يفدى صحيبي كل ما ناش خاطري
ويفداه كتمان الخطى عند سايمه
دامه تعلى مرقبٍ عز مطلعه
رامه وهو لولاي ماهو برايمه
اصبر على عوجاه وادمح خطيته
ويجلس بروحٍ بالتراحيب قايمة
وان كان لابد المشاريه والعتب
بلسان ود ارد خاطي تهايمه
وليا تورّى ماردٍ غير ماردي
لومه على روحه ولاني بلايمه