كان الحب اللي بينا يضربه الامثال
واليوم صرنا حكاوي على كل لسان
وامسينا قصة وكل شي عنا ينقال
وفي الاخر نلوم على الخيانة الزمان
ونقول وندعي اليوم اختلاف الاجيال
ما كنه هذاك جيل بعد كان انسان
نلوم الصاحب على الغياب ونقول عال
عن دربنا اليوم..شاف مع غيرنا شان
وقصة هوانا صارت من وهم ونسج الخيال
من بعد كانت حقيقة مطوايه على البطان
انا عشت الحب وجاريته مع اشكال واشكال
وماجت من هي تحرك فيني شي من الوجدان
غير مجرد مشاعر محبوسة تركتها اهمال
وعين تقطر دمعه على من كنت زعلان
وما سجدت الجوارح لغير الخالق المتعال
والنفس ما ارخصها لو دفعت لي الاثمان
عزيز نفس عزيتها عن شوف موطى النعال
واحقر من حقرني ولو كان من ماكان
عزتي وكبريائي كبرياء فقير ماينطال
والزم نفسي عن الطوعة ولو انا خسران
تربيت بارضً خرجَت عبر الزمان لها ابطال
ارض اعنيها..شموخ العز والفخر عمان
فيها تعلمت اسهل الصعاب وادرك المحال
هي فاكهة الزمن تبقى وطعمها الرمان
وكلمتي معاني اسمي عليها الحمد من الافعال
من الموارد استقي وما استقي من الخيران
وانا شفت الزمان منصف على كل حال
بس وحدنا يا بني البشر ما به منه قنعان
وارجو السموحه والعذر منكم ف الاقوال
وكل ما قلته شعور..والخافي في صدري بيان