ونيت وسط الليل والنفس تحتاس

وَنّيتْ وَسْطَ اللّيل والنَفس تَحتاسْ

هواجيس فِكري .. قامت تِقودَني قودْ

يالله طَلبتك .. يا مِذْهِبَ الباس

سَخّر من معاريف خَلقك .. مَنْ يجود

أما والذي رَفعَ السَما وعَلَّمَ الياس

إنّي لا صَاحَ الفَخر .. ل موجودْ

عِندي مِن الأفعالْ ما يَرفعَ الراس

وعِندي من الأفكار ما تملا بها الجودْ

واصبرْ على البلوى واتجرّعَ الكاس

وماني على طعنات دَهري ب محسودْ

وليا تِقهويت .. وطَارَ التِعوماس

وأطلقتْ فِكري .. وحطّمتَ القيودْ

تَعوّذت بالله .. من كِل نِسناس

وشَدّيت رَحلي .. وماني ب مقيود

عَبرتْ سَبعَ بحور وغَرّبتَ الأنفاس

وطِرتْ يَمَّ السَما اللي ما لها حدودْ

وغَرَستْ بارضَ الفِكر من كِلْ غَرّاس

وحنّيت لبْلادَ العَرَبْ يا شوقيَ المنشودْ

حِنّا العَربْ .. وبينا الناس ب تنقاس

والخِيلَ الاصيل .. يَقطعَ الشُوطْ ويزودْ