من باب جلّد الذات يامَرْكَب التَيه
خِذْني…. بَلا تحديد وِجْهَه وعِنوان
خِذنْي… مسافِر كل الاوطان تنفيه
زاده شعرِ والأمتعة شَنْطَة أحزان
خذني رجل مبدأ… تخونه مباديه
في حضرة السلطان ساقوه قُربان
خِذني وطَنْضاقَتْ حدوده بأهاليِه
خِذْني وطَنْمهجور ما فيه سِكِّان
خِذْني [ فِكِر] مسجون ومكِبّل ايديه
تبكي له الجدران.. وتغيض سجّان
من ضِيْقتي.. ضاق الخليج وْمرافيه
يانِعْمَة النسيان… محتاج نسيان
نسيان “واقع” كل ما احاول ارضيه
يْشوفني “مجنون جداً” وغلطان
والبحْر مَنْفى الروح يا مرْكَب التّيه
خِذْني كذا..وِبْدون دَفّه وربَّان