سرت مع ركايبنا ركايب قبل والحين
نفج الظلام ونجمة الصبح ملحوقه
يطيح الضعيف ان طول الليل ب السارين
تمر الركاب الساريّه ب القدم فوقه
وانا كل ماشفت الليالي معاي تشين
اوقف ولو نفسي من الضيق مخنوقه
أنا الشاعر اللي لا كتب ماكتب بيتين
يجيب الجزال اللي عن الغير مفروقه ...
يقربك ل احساسه وتعيشه ب شعورك لين
تحس ان شعره لامس احساس طاروقه ..
احب الشمال : ان مر صدري برادٍ زين
وأحب الجنوب : ان فز قلبي مع بروقه
اسوق العمر فدوه واقول : الوعد بعدين
ل عين الهنوف اللي علي عمرها تسوقه
خذتني معاها ورحت مدري ب روح ل وين
لكني اعرف الرجل يتبع هوى شوقه
خذت كل شي ولاتركت شي للباقين
خذت قلبي ولا قصرت خلت عروقه ..
لها وجه مثل الشمس لولا سواد العين
ولها ضكتٍ من ضحكت العيد مسروقه ..
( أحب أيدها ) لو ماني اللي يحب يدين ،
، وأحن ل ليالي طعمها كل ما اذوقه ..
أنا لو ماعرف الناس من طين مخلوقين ،
، لا قول انها من ( رايب الزبد ) مخلوقه ..