وآشيب رأسي وا محنتي والوسف
أقص كفي وأقطع صوابعه
يا طير حوم في جو السما واكسف
بحملك سلامي حفظه واسمعه
واعطه صحيب قلبي وقلبه مو تلف
عندي قفل قلبه وقفل قلبي معه
يلن تهايالي فنومي والنصّف
تصبح طرارير الحشا متشنعه
أبكي خاتم يميني وقلبي ما نشف
واللي ينازعني لزوم أنازعه
وإلى ذكرته قلبي والفؤاد يقف
شروى الذّي وافق خصيمه وروعه
يا ديرتي رقصتي عالاروض بخف
كنك فرحتي بالخبار الفاجعه
ماشي ذكرتي م الجميل اللي سلف
أهايي اللي يسوي الجمايل تنفعه
يا مسرعك علينا تقلبين الخف
حسيبك الله ما سالت لك دمعه
حوزك مرجع حول وشهرين ونصف
من عقبهن حول مقامك وأقشعه
اليوم عيني شافته وقلبي عرف
وحلفت يا زرع المودة مزرعه