لاتهجر الاغصان ياقمري البان
اغنم ترى عمر السعادة ثواني
خذني وطن فارق على كل الاوطان
يخلّد اللحظة قصيد ومعاني
وآخذك عطر ونور وجنون وجنان
واعيش بك واعيش لك عمرثاني
خذني زمن ماتشبهه كل الازمان
يمطر فرح حتى لو انّه يعاني
وآخذك للابداع والذوق عنوان
وابني وسط قلبك حصون ومباني
خذني بقايا حلم واحساس وانسان
ينبض بحبّك كل شي في كياني
وآخذك ف بحور الاحاسيس ربان
واسلّمك نبضي ودفّة حناني
حذني ربيع ازهاره اشكال والوان
خذني بحرخذني رصيف ومواني
وآخذك من كف اجمل العمرفنجان
مبهّرن بالهيل والزعفراني