لوح من راسك لهموم
لُوحْ مَنْ رَاسَكْ لَهْمُومْ
لاَشْ تَدِّيهَا فَالْغِيرْ
عِيشْ حْيَاتَكْ بَالْيُومْ
وْخَلِّي السِّيرْ يْسِيرْ
الْهَمّْ يْكَبَّرْ وَيْشِيَّبْ الرَّاسْ
ولِّي يَصْبَرْ مَا يْرَى بَاسْ
بْنَادَمْ ايْلاَ يَتْبَعْ النَّاسْ
فَجْمِيعْ الأَحْوَالْ يْحِيرْ
وَلْقَلْبْ بَلَهْمُومْ يَتْكَدَّرْ
يَسْكُنْ فَدْخَالُو وَسْوَاسْ
صْفَاوَتْ مَاهْ تَتْعَكَّرْ
يْوَلِّي شْفَايَا عَسَّاسْ
وَخَّا يْكُونْ دُومَالْ كْثِيرْ
لُوحْ مَنْ رُوحَكْ لَحْزَانْ
وَرّْضَا بَالشِّي لَقْلِيلْ
مَا يْفِيدْ فْلاَنْ وْلاَ فَرْتَلاَّنْ
بَالرّْضَا يَتْعَدَّلْ لْمِيلْ
لَعْمَرْ مَهْمَا طَالْ قْصِيرْ
لُوحْ مَنْ رَاسَكْ لَهْمُومْ
وْدِيرْ يْقِينَكْ فَاللهْ
لاَ غِيرُو حَدّْ يْدُومْ
وْكُلّْهَا يْخَلْصُو مُولاَهْ
رَبِّي عَظِيمْ الشَّانْ كْبِيرْ