مشيت وسبتها تبكي
مهنش عليك تسمعها
ورحت وقلت عدولي
وهي تعاني اوجاعها
يا ماشي عنيها تندهلك
وأنت عملت مش شايف
رميت الحب ورا ضهرك
بقسوة عليها مش خايف
وذنبها ايه تدوق جرحك
وعامل يعني مش عارف
ضعفت وسبتها تفارقك
تعيش مع حب كان زايف
خسرت كتير كده بجهلك
وعشت في دور ضعيف هايف
دا قلبها كان موجه في بحرك
غرق قدام انهزام عاصف
راجع دلوقتي من خيبتك
تنادي عنيك انا أسف
مفيش غير صد منتظرك
وقلبك بالندم نازف
لا لوم ولا ندم هيشفعلك
خلاص خلصت خليك عارف