برد يلف الامكنة والزوايا
برق ورعد واحساس بالصمت والليل
وملامح ٍ تدفي برود النوايا
وقلوب ضخّت بالعروق التفاصيل
واحلام صارت للنفوس المرآيا
واحزان نامت في ثياب التعاليل
ليل الشتاء برد وهروب وحكايا
خوف ورجا .. رنّة حجول ومواويل
ليل الشتاء خوف وحروب وسبايا
نار وشعر ورجال .. صفّة معاميل
ليل الشتاء ميعاد رد الهدايا
لاصار مايصبر على العطر منديل
لاجاء الشتاء ف،زّت جميع الخفايا
ياوينكم ياجامعين المحاصيل
ليل الشتاء نصر ٍ لكل الصبايا
واكبر هزيمة شاملة للرجاجيل!