لا تهل الدموع الله يجازي ظروفك
لعنبو الدمع فعيونك يزيدك حلا
لك من العمر كله لا تمادى بخوفك
و لك خفوقٍ يقول إنته و غيرك فلا
شوف ذبحي حلال إن كان شبّه سيوفك
ويل منهو مثل قلبي هوى و إبتلا
ما تعمّدت أحبك قبل أعرفك و أشوفك
قبل أعيشك غرام و قبل أموتك غلا
ما طرالي أغامر فيك عمر يحوفك
إنت يا مِنْ على عرش الخفوق اعتلا
يا وصوفك و يا عيني عليها وصوفك
تاج راس العذارى و سيد كل الملا
ليت بعض الغلا الليي في حشايا يلوفك
أشهد إني حظيظ و كل هم انجلا
هاك أيام عمري فرصةٍ لا تطوفك
لا يفوتك زمانك حظ منهو سلا
لا تهزك ظروفك و لا تصفق كفوفك
يلعن الوقت كانه ما عطاك وحلا