أحس في نظراتها وش وراها؟
وما بيننا نفس المشاعر والإحساس
تدري بحبي وداري في غلاها
يبدى ما نخفيه والناس جلاّس
مير اختلفت وهي منعها حياها
عن كلمةٍ قد قالها أكثر الناس
تخفي مشاعرها وأخفي هواها
متصبرين ياعلي ب قوة الباس
لا جيت أصارحها وأجلس معاها
أغير الموضوع أخجل وأحتاس
وخايف مشاعرنا تموت بضماها
والكل منا مستحي شامخ الراس
والكلمة الي عايشِ في رجاها
أموت ولا قالها عدم الأجناس
هذا عذاب الروح هذا عناها
ثورة غرام وزادها كتم الأنفاس
متى تبيح بما يكنه خفاها
تنهي عذابٍ ماله حدود وقياس
يالله عسى يكمل هناي ب هناها
ب أنسى الجروح الماضية وننسى الاتعاس
يا خالق الدنيا العجيبة ب سماها
يا رب لا تقطع رجا القلب بالياس