يمر الوقت يا خلي وأنا بترقّب خْطوفك
يبشّر ناظري شوفك وتجمع باقي أوراقي
غياهيب الدهر جارت وأنا متعلق احروفك
متى ترحل بك الهمه تسلي النفس وأشواقي؟
إذا الذكرى تراودني وعيني تحتري شوفك
يا كيف أصبر وأنا حاني وفيني قلب مشتاقي؟!
وإذا بتجاهل إحساسي وخوفي خايفٍ خوفك
متى اللحظة بتسعدني بشوفك تبشر أحداقي؟
أبا أسري صوبك وأحزم متاعي وأنتجي جوفك
وأريّح شوقي بوصلك وأدلل قلبك الساقي
وألامس بالحلى قلبك وكفي يحضن كفوفك
يسلي خاطري قربك.. يطفي الشوق بأعماقي
وأذوق الشهد والزمزم ونرجس طيفك بروفك
وأحطك في مدار العين وأشوفك لحظة أبراقي
أنا المشتاق يا خلي وشفي عاشق شْفوفك
وعنك ما قدر ساعة ولا قلبي بعد طاقي
وإذا دار الوقت لحظه وأنا بتذكر وصوفك
أطيب فلحظة إحساسي وجوي رايقٍ راقي
عسى يا مهجة فوادي تداوي قلب محبوبك
تخف الوجد من روحي ونورك يطوي أشواقي