الا يا بدر من ينشد هك الغربه ثمنها كم
حرام ابيع هالدنيا واخليها ورى ذراعي
الا يابدر ليت اللي سقاني ما سقاني هم
ثمان سنين ما ميز جحود الوقت وواجاعي
غرفت من الزمان ولا غرفت الا شقى مع غم
تغير كل مافيني تغير شكلها اطباعي
غديت بغربتي ابكم ولكن عايشٍ مع صم
على شكلي يجي رجال لكن ميتٍ واعي
حلفت ان ساقني حظي بنزواتي لذاك اليم
لأقول اني خلاص انسان ماله كرت او داعي
توّلع شاعرٍ مالت طواريقه ولكن لم
يحرك دفة التيار قبل يحرك الساعي
الآ لو غربتي تشقى على الجيران قبل العم
حشى لا خلي الغربه طريقٍ ماله انواعي
تعبت انشد ظروف الوقت هو باقي او انه تم
تعبت وما لقيت اللي يرد العلم لأسماعي
يابو معدي لوان الصوت لو سافر يرد يضم
انشهد ضمني صوتٍ تربع عرشه اضلاعي
جروح اسمع..جروح ابكي.. وجرحٍ قال لا تهتم
مدام الوقت له مغنى يجيلك يوم يالراعي
والا يابدر وان قفت هك الغربه ثمنها كم
اخاف اموت ماتسمع بموتي صوت او ناعي